تۆڕی زانیاری ئازاد
نامهی NUJ بۆ Minister of State Foreign & Commonwealth Office
بۆ دکتۆر هاوللز وهزیری دهوڵهت و ئۆفیسی کاروباری دهرهوه و کۆمۆنوێلز
King Charles Street
London swiA 2AH
1 September 2008
بهڕێز دکتۆر هاوللز .
به ناوی یهکهتی ڕۆژنامه نوسانی نیستمانهوه ئهم نامهیهت بۆ ئهنوسم بۆ دهر بڕینی خهمو پهژارهی قوڵمان سهبارهت به شهپۆلی ههڕهشه دژی ڕۆژنامه نوسان له باکوری عێراق له چهند حهفتهی ڕابوردودا .به تایبهت بو کو
شتنی سۆران مامه حهمه پهیام نێری گۆڤاری حهفتانهی ڵیڤین که له سلێمانی دهر ئهچێت ،له بهردهم ماڵه کهی خۆیدا درایه بهر دهست ڕێژ له کهرکوک له 21 جولای 2008 . وهک زانیمان ، مامه حهمه بهر له کوشتنه کهی ههڕهشهی لێکرابو به هۆی ڕهخنه نوسینیهوه له کاربه دهستانو دهسڵاتی ناوجه که.
دهر ئهکهوێت که کوشتنی مامه حهمه بهشێکه له زۆر بونی هیرش ی دژی ڕۆژنامه نوسان له کوردستانی عێراق.سهندیکای ڕۆژنامه نوسانی کوردستان بڕوای وایه که دهسهڵات دارانی کهرکوک حهزیان له شێوه ههوڵدانی ڕۆژنامه گهری مامه حهمه نهبوه له سهر گهندهڵی و بهد ڕهفتاریه کانی تریان ، ڕهنگ بێت به کوشتنهکهی کارێکیان ئهنجانم دابێت. بهم هۆیهوه ئێمهش لهگهڵ ڕای سهندیکاداین که بڕوای وایه ههر پشکنینو لێکۆڵینهوهیهک له لایهن داد وهرانی ناو خۆ بکرێت بێ ئهنجام ئهبێت
من داوا ئهکهم له وهزارهتی دهرهوه و له کۆمۆن وێڵس بۆ یارمهتی دانی داخوازی سهندیکای ڕۆژنامه نوسانی کورد بۆ لێکۆڵینهوهیهکی بێلایهنی لهم مهسهلهیهدا . له سهرو ئهوهشهوه ئێمه داوائهکهین له وهزارهتی دهرهوه لهگهڵ ئێمه دا یهکیهتی ڕۆژنامه نوسانی نیشتمانی ههمو هێرشو ههڕهشیهک بۆ سهر ڕۆژنامه نوسان تاوان بار بکهین بۆ مسۆگهر کردنی ئازادی و سهلامهتی گیانی ڕۆژنامه نوسان له سهران سهری جیهان دا
دڵسۆزتان
JEREMY DEAR
----------------
general Secretary
بانگهواز بۆ وهستانهوه دژ به تیرۆری ڕۆژنامهنووس سۆران مامه حهمه
ململانێی ئازدیخوازان و دهسهڵات و پاوانکهرانی کۆمهڵگه شتێك نییه، تازه بێ و تایبهت بێت به سهردهمێك، کۆمهڵگهیهك یا گۆشهیهکی جیهان، بهڵکو ئهوهی ئهوڕۆکه له کوردستان ملمانێی پێنووس و چهك دهگاته ئاسێك که ناچار بین، خوێنی خۆمان بکهینه کاسهیهك و مێژووی ئهم ملمانێیهی پێ بنووسینهوه، درێژهی ههمان ڕهوتی مێژووییه، که لهسهرتاسهی جیهاندا بهنرخی گیانبهخشی سهدان و ههزاران بهڕێژهیهك لێرهو لهوێ ئازادییه تاکهکهسی و گشتییهکانی بهسهر سهروهراندا سهپاندووه.
تیرۆری ڕامیاری یا به دیوهکهی تریدا تیرۆری دهوڵهتی، کۆڵهکهیهکی کۆنی دهسهلاته و له بهرامبهریشیدا یهکگرتن و یهکڕیزی ئازادیخوازان له سهنگهری زۆرليكراواندا تهنیا چهکێکه، که دهکرێت له کۆتاییهێنان به پاوانگهری پارته رامیارییهکاندا هانای بۆ بهرین.
ئهگهر دوێنێ نۆرهی «سهلاح ههورامى ، رهئوف كامل ، ئهبوبهکر عهلی ، فهرهاد فهرهج و «شاپور عهبدولقادر» و «قابیل عادل»و .... و ئهمڕۆ نۆرهی «سۆران مامه حهمه»یه، ئهوا بهیانی نۆرهی من و تۆیه. بۆیه ناکرێت و بێسووده تهنیا به ڕشتنی دوو فرمێسك و دهربڕنی هاودهردی بچینه پای كيشمه كيشيكهوه که دهسهڵات و نۆکهرانی بهرامبهر پهیڤه ئازادهکان بهڕێیان خستووه. ئهگهر تۆش به تهمای کۆڵ نهدهی و به ئاسانیش بۆ نهههنگهکانی دهسهڵات قوت نهدرێیت، دهوهره دهرهوه و بهڕیزی ئهوانه پهیوهست به، که له هیچ سهردهم و له هیچ گۆشهیهکی دونیادا ملکهچی دهسهلات و چهوسێنهران نهبوون؛ ڕیزی ئازادیخوازانێك که ههڕهشه و گوڕهشهی تیرۆرستان نهك ناتوانێت چۆکیان پێ دابدات، بهڵکو لهسهر خهباتکردن لهپیناو ئازادی سوورتریان دهکا و بهرچاویان ڕوونتر دهکاتهوه.
ئهوهی که پێویسته ههموومان ئاوڕی لێ بدهینهوه و پرسیارمان لا دروست بکات، ساتی ئهنجامدانی تیرۆرهکانه. تیرۆری ڕۆژنامهنووسان و ئهکادیمیستان له کاتێکدا دهست پێدهکات، که ههر دوو پارته دهسهلاتدارهکهی ههرێمی کوردستان، به ڕێکهوتنی ستراتیژی دهگهن و ههروهها له کاتێدا «سۆران مامه حهمه» وهك ڕۆژنامهنووسێکی چالاك و دهرکهوتهی کهرکووك و «عهبدولستار تاهیر شهریف» وهك کهسێکی ئهکادیمیست و ئاگا له پرسی ئهو شاره تیرۆر دهکرێن، که دهسهڵاتدارانی کوردستان دهستیان له پرسی کهرکووك دا، که زیاتر له شهست ساڵه به ڕواڵهت، خهڵکی ئازاديخواز و بنده ستى له پێناودا به کوشت دهدهن، دهردهکهوێت! ئایا ئهمانه گشتی ڕێکهوتن؟
ئێمه وهك هاوکاران (ڕۆژنامهنووسان) و تاکه ئازادیخوازهکانی کوردستان، داوای دادگهییکردنی ئهو پارت و دهسهلاتهین، که له پشت ئهم تیرۆرهوه وهستاون و بانگهوازی ههموولایهك بۆ وهستانهوه و سهنگهرگرتن و یهکڕیزی لهبهرهی بندهستاندا دهکهین، چونکه سهرکهوتن و کۆتاییهێنان به سهرکوت و تیرۆر و چهوسانهوه، تهنیا له گرهوی هاتنه پيشهوهى خهباتێکی مهیدانی و گشتگیری ئازاديخوازان و بهشمهينهتانى کۆمهڵگهدا دهبینینهوه و دواجار سهرکهوتن بۆ بهرهی گهل و ڕسوایی بۆ سهرکوتگهران و پاوانگهرانی نان و ئازادى کۆمهڵگهیه.
سڵاو له گیانبهخشی ڕۆژنامهنووس «سۆران مامه حهمه»
مهرگ و ڕسوایی بۆ بکوژانی دهنگه ئازادهکان
بۆ واژۆکردنی ناڕهزایهتینامهکه کلیکی ئێره بکه
http://www.petitiononline.com/Soranmam/petition-sign.htmlوهڵام به پرسیار و سهرنجی خوێنهرانی بانگهوازی دژی تیرۆرکردنی ڕۆژنامهنووسی گیانبهخش «سۆران مامه حهمه»
زۆر سوپاس بۆ پهیامهکانانت، هیوای سهرکهوتنتان بۆ دهخوازین و تهندروست بمێنن... .
بهڕێزان، ئێمه وهك تۆڕی زانیاری ئازاد، سهر به کهس نین و باوهڕمان به کاری پارتیی (حزبی)و دهسهلاتیی (میریی) نییه، بهڵکو نیازمان پهرهدانه به شێوه ڕاگهیاندنیكی سهربهخۆ؛ که تهنیا ئامانجی ههڵخڕاندنی ڕای گشتی بۆ پهرهپێدان و جێگیرکردنی ئازادییه کهسی و گشتییهکان دهبێت.
لهمهڕ بانگهوازهکهمان بۆ ڕسواکردن و واژۆکۆ کردنهوه دژ به تیرۆری ڕۆژنامهنووسی گیانبهخش «سۆران مامه حهمه»، تهنیا بانگهوازی ئێمه نییه و هی نێوهندی چاك و کهسانی دیکهشه و بۆ پهیوهستبوون و هاوکاری ههمووانی، بۆ ههموو کهس و لایهنێكی ئازادیخواز کراوهیه و دهکرێت به پانتایی کۆمهلگه لیستهکه درێژ بکرێتهوه.
ئێمه، تهنیا ئامانجمان هێنانهمهیدانی ڕیزێکی سهربهخۆی داکۆکیکهرانی مافهکانی مرۆڤه له کوردستان و ئهم کهمپهینهشمان بۆ ئهوهیه، که تیرۆری ڕۆژنامهنووسی گیانبهخش (سۆران مامه حهمه)ش وهك تیرۆری کهسایهتییهکانی پێشووتر بهژێرهوه نهکرێت و ببێته خاڵی وهرچهرخانی کۆمهڵگه و شهقامهکانی بهرهو داکۆکی له ئازادی ڕادهربڕین و پاراستنی گیانی ڕۆژنامهنووسان و نووسهران و ڕۆشنبیران و ئازادیخوازان... .
بۆ هاتنهدی مهبهستێكی ئاواش، هیچ پێوسیتمان بهوه نییه، سهر بههیچ لایهن و دهسهڵاتێك بین، چونکه ئێمه کار بۆ کۆمهڵگه دهکهین و ئهگهر کار و ئامانجهکانمان خزمهت به کۆمهڵگه و پرسه ڕهواکانی بکهن، به دڵنیاییهوه ڕۆژێك خودی کۆمهڵگهش وهك گشتێك دێته پای بهرگری له داخوازییه ڕهواکانی خۆی و پشتگیری له ههوڵهکانی ئێمهش دهکات.
بۆ پێشهوه بهرهو یهکگرتووکردنی خهباتی ئازادیخوازانی کۆمهڵگه
تۆڕی زانیاری ئازاد «TZA»
لەم ڕۆژگارەدا کە تەکنۆلۆژی زانیاری گەیشتووەتە لوتکەیەکی بەرز و سەری بە دوا کون و قوژبنی جیهاندا کردووە، لە کاتێکدا کە لە ولاتان چەندین ناوەند و دەزگەی بڵاوکردنەوە و گەیاندنی هەواڵ و زانیاری ئازاد هەن و تاکی کۆمەڵگەکان بەهۆیانەوە بە ئاسانی دەستی پێیان ڕادەگات. کەچی لە کوردستاندا، تادێت هەوڵی بەرتەسککردنەوەی گەیاندن دەدرێت و لەهەمان کاتدا دەزگە و ناوەندە فەرمییەکانی دەسەلات بەردەوام هەوڵی چەواشەکاری و شاردنەوەی راستییەکان دەدەن. لەپاڵ ئەمانەشدا لێرەو لەوێش بۆ بەرهەلستی بارودۆخێك کە بە خشکەیی لە جێگیربووندایە، هەوڵی تاکەکەسی و گروپی بۆ ئەم مەبەستە نراوە، بەلام بەداخێکی گرانەوە، تاوەکو هەنووکە ئەو هەولانە نەیانتوانیوە سنووری گروپچییەتی و مەبەستی کەسی تایبەت تێپەڕێنن. چونکە ئەو ڤایروسە کوشندەیە، کە دەسەلاتداران چ لە سەردەمی بەرهەڵستکاری ڕژێمی پێشوو و چ لە ئێستادا لە نێو کێڵگەکانی ناهوشیاری کۆمەڵگەدا چاندوویانە و دەیچێنن، ئەو هەوڵە بەرهەلستکارانەشی گرتووەتەوە.
لێرەدا مەبەست چەپ و راست هێنان بە هەوڵ و کۆششی کەسانی تر و راگەیاندنی هەوڵێکی بێ کەموکوڕی و پێرفێکت نییە، بەلکو بەدڵنیاییەوە ئەگەر خوێنەران و هەڵسوراوانی ئەم بوارە دەربەست نەبن، ئەوا هەمان ناکامی دوبارە دەبێتەوە. بۆیە سەرکەوتنی هەر هەوڵ و کۆششێکی ئازادانە، لە گرەوی بەشداری پەیگیرانە و لێبڕاوانەی هەمووانە، چ خوێنەرانی ڕەخنەگر و چ هەڵسوراوانی کۆڵنەدەر.
بۆیە ناتوانرێت، مەبەست لەم هەوڵە قوتکردنەوەی گروپ و بەرەیەکی سەروخەڵکی بێت یا بەرزکردنەوەی شان و شەوکەتی تاکەکەسێك تا ئاستی سەرومرۆیی بێت.
ئامانج لەم هەوڵە؛ یەکەم گرێدانەوەی هەڵسوراوان و چالاکانی بوارە جیاجیاکانی داکۆکی لە ماف و ئازادی مرۆڤ وەك بنچینەیەك و هەڵپێکانی دەنگە نارازییەکانە، لە دەرەوەی ڕێکخستنە هەرەمییەکان و بەیەك ناساندنیان لە زنجیرەیەکی دوور لە دەسەلاتخوازی، کە ئازادی و ئامادەیی هەر تاکێك تێیدا پرێزراو بێت.
بۆ ئەم مەبەستە، نووسەری ئەم دێڕانە وەك سەربازێکی بێناو، هەستاوم بە کردنەوەی ئیمەیل ئەدرەسێك (tori_zaniari_azad@yahoo.com) بۆ ئەوەی خوێنەران بەهۆی پەیامی زنجیرەیی و بەردەوامەوە، لە هەوال و بابەتەکان ئاگادار بکرێنەوە، ئەمەش تەنیا لە کاتێکدا پێیان دەگات، کە بەخۆیان ئامادیی وەرگرتنی وەها پەیام گەلێکیان هەبێت و ئازادانە خۆیان بە هۆی ناردنی پەیامێکەوە ئەدرەسی ئەلەکترنی خۆیان بۆ ئەدرەسی «تۆڕی زانیاری ئازاد» بەڕێ بکەن، هەروەها بۆ کەسانێك کە خوازیاری بەشداری و هاوکاری کردنن لەم پرۆژەدا، هەستاوم بە کردنەوەی وێب بلاگێك لە کوردبلاگگەر) http://ToriZaniariAzad.kurdblogger.com( بۆ ئەوەی خوێنەران بە ئاسانی سەرنج و ڕەخنە و توانجی خۆیان لەسەر راستی و ناراستی هەواڵەکان، پڕبایەخی و کەمبایەخی بابەتەکان بنووسن، هەروەها بۆ هەڵسوراوان و چالاکانی ئەم بوارە هەم بەشداری راستەوخۆ لە گەیاندندا و هەم ڕێگەی ناردنی پەیام هەموارە.
بەکورتی خوێنەرانی هێژا، چالاکان و هەڵسوراوانی دلسۆز، دەکرێت هەرکەسە و لە شوێنی خۆمانەوە، بە پێی توانا و بوار و گونجان لە کارێکی هاوبەش و هەرەوەزی ئاوادا دوور لە هەر لایەنگرییەکی رامیاری، دوور لەهەر قاڵببەندییەکی ئایدیۆلۆژی، دوور لەهەر بەرژەوەندییەکی کەسی و گروپی، بە ئامانجی بەزاندی سنوورەکانی سانسور و گێڕانەوەی دڵنیایی بۆ تاك وەك یەکەی پێکهاتنی کۆمەڵ و خاڵی دەستپێکردنی گشت گۆرانکارییەکان، بەشدار بین و هەوڵی پایەڕێژکردنی دونیایەکی تر بدەین، دونیایەك کە لەسەر بنەمای ئازادی و دادپەروەری کۆمەلایەتی و یەکسانی تاکەکان، کۆمەڵگەیەك کە لەسەر بناخەی ڕێز و خۆشەویستی و لەیەكگەیشتن دامەزرێت. ئەمەش لە گرەوی دوو شتی سەرەتاییدایە؛ بەخۆمان بیربکەینەوە و بەخۆمان بڕیاربدەین.
21.04.2008
پێناسه
زانیاری
ئهرشیڤ
پهیوهندی
بیکه ماڵپهڕ من
بیخه لیستی دڵخوازهکان
لینکهکان
چینهکان
دوا بابهتهکان
نامهی NUJ بۆ Minister of State Foreign & Commonwealth Officeبانگهواز بۆ وهستانهوه دژ به تیرۆری ڕۆژنامهنووس سۆران مامه حهمه
وهڵام به پرسیار و سهرنجی خوێنهرانی بانگهوازی دژی تیرۆرکردنی ڕۆژنامهنووسی گیانبهخش «سۆران مامه حهمه»
تۆڕی زانیاری ئازاد «TZA»
ڕۆژ ژمێر
| Mon | Tue | Wed | Thu | Fri | Sat | Sun |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||